ТАЛДЫҚОРҒАНДА ТАЕКВОНДОДАН (WT) ҚАЗАҚСТАН РЕСПУБЛИКАСЫ КУБОГЫНЫҢ II КЕЗЕҢІНІҢ АШЫЛУ САЛТАНАТЫ ӨТТІ

Бүгін, 26 қыркүйекте Талдықорған қаласындағы «Жастар» спорт кешенінде таеквондодан (WT) Қазақстан Республикасы Кубогының II кезеңінің салтанатты ашылуы өтті. Республикалық бәсекеге еліміздің барлық өңірінен 214 таеквондошы қатысуда. Ашылу салтанатында Қазақстандық таеквондо (WT) федерациясының вице-президенті Айзат Қарашашев спортшыларға сәттілік тілеп, жарысты ұйымдастыруға қолдау көрсеткен Жетісу облысының әкімдігіне және Дене шынықтыру және спорт басқармасына алғыс білдірді.

Қазақстан Республикасы Кубогының II кезеңі 26–27 қыркүйек күндері өтеді.

Қазақстандық таеквондо (WT) федерациясының серіктесі — «Самұрық-Қазына» АҚ және туризм индустриясы мен спортты қолдау қоры «Sport Qory».