Біз ҚТФ топ-менеджерлерімен сұхбат циклін бастаймыз. Сұхбат тұрақты негізде, ең өзекті тақырыптар бойынша жүргізілетін болады. Біздің алғашқы қонағымыз жақында ғана тағайындалған спорт мәселелері жөніндегі вице-президент Шылманов Арман Константинович болды.
«2023 жылдың 15 мамыр бекітілген бұйрықпен мен Қазақстан таеквондо федерациясында спорт жөніндегі вице-президент лауазымына кірістім, мен өте қуаныштымын және менде бар білім мен тәжірибенің арқасында елімізде осы спорт түрінің дамуына өз үлесімді қоса алатыныма шексіз қуаныштымын. Менің лауазымдық міндеттерімнің қатарына республикалық спорттық жарыстарды ұйымдастыру және өткізу, бұқаралық спортты дамыту және мемлекеттік органдармен өзара байланыс жұмысы кіреді. Өз лауазымымда таеквондо бойынша спорттық іс-шараларға өзгерістер енгізуді жоспарлап отырмын. Жақсы жаққа өзгерістер күтілуде. Барлық жұмыс ашық түрде жүргізіледі.
Ата-аналар мен жас спортшылардан балалар арасындағы ҚРЧ-на қатысты көптеген сұрақтар түсті. Бұл түсінікті, отбасылар демалысты жоспарлап отыр, жаттықтырушылар мен спортшылар дайындық процесін алдын-ала реттеуі қажет.
16 мамыр облыстар бойынша жауапты жаттықтырушылардың қатысуымен Zoom платформасында бірінші отырыс өтті. Біз жұмысты балалар спортынан бастағанымыз кездейсоқ емес. Өздеріңіз білетіндей, мемлекет Басшысы әрқашан балалар мен бұқаралық спорттың дамуына аса назар аударады.
Отырыстың негізгі талқылау тақырыбы 10-11 жастағы балалар арасында Қазақстан Республикасының чемпионатын дайындау мен өткізуді болды. Мұндай отырыстар ұдайы өткізілетін болады, оларда республикада таеквондоны дамыту жөніндегі барлық мәселелер талқыланатын болады.
Отырыс барысында 10-11 жастағы балалар арасында Қазақстан Республикасының чемпионатын Tkdream платформасында өткізу туралы шешім қабылданды. Жарыс Маңғыстау облысында, Ақтау қаласында өтеді. 22 маусым командалардың келу күні, 23-25 маусым жарыс күндері, 26 маусым командалардың кетуі жоспарланған. Tkdream платформасында тіркелу тегін екенін ерекше атап өтемін».
Өңірлік жаттықтырушыларды тарту бойынша қандай шаралар жоспарлануда?
«Қазіргі уақытта жұмыс тобын ұйымдастыру бойынша жұмыстар жүргізілуде. Бұл жұмыс тобы ҚТФ жаттықтырушылардан, спорттық функционерлерден және менеджментінен құралады, жән федерацияның стратегиялық дамуы бойынша іс-шаралар өткізетін болады.
«Қазақстан таеквондо федерациясы 2.0» жаңа курсының жобасы ағымдағы жылдың шілде айында Түркістан қаласында Қазақстан кубогының алдында өтетін Конференция отырысында таныстырылады».
Осы жылға тағы қандай республикалық жарыстар жоспарланған?
«Жоғарыда айтқанымдай, Қазақстан Кубогы шілде айында өтеді. Ол Азия ойындарына іріктеу болатынын атап өту маңызды. Тиісінше, барлық салмақ дәрежелері Азия ойындары үшін стандартталады.
Осы жылдың соңында Қазақстан халықтарының спартакиадасы өткізіледі, бұл жарыс 2024 жылға арналған Қазақстан ұлттық құрама командасының құрамын қалыптастыру үшін іріктеу болады».
Арман Константинұлына алғысымызды білдіреміз және жұмыста сәттілік тілейміз!
Федерацияға қатысты барлық ақпарат ресми сайтта Kaztkd.kz және әлеуметтік желілердегі ресми беттерде уақтылы жарияланатын болады.
Қаз
